စပါးအဝယ်ဒိုင်ထံမှ ပြန်လာကတည်းက ကိုရွှေအေး မျက်နှာမကောင်းသည်ကို ဇနီးဖြစ်သူ မခင်မြင့် သတိထားမိသည်။ ဧကန္တစပါးဈေးကျနေ၍ဟုသာ ထင်မိသော်လည်း ကောင်းသည်ဆိုးသည် ဝင်ပြောလေ့မရှိသူမို့ ကိုရွှေအေးဖွင့်ပြောလာချိန်ကိုသာ စောင့်နေတာ အကောင်းဆုံးဟု တွေးလိုက်သည်။

ကိုရွှေအေးနှင့် မခင်မြင့် တို့၏ အိမ်ထောင်သက်မှာ ကြာမြင့်လှပြီ။ အရာရာ ကိုရွှေအေး သဘောအတိုင်းသာ ဖြစ်စေသဖြင့် ခွန်းကြီးခွန်းငယ် ကတောက်ကစ စကားများဖူးသည် မရှိခဲ့ကြ။

“ဦးလေးမောင် ရေ.. ပြန်တက်ကြစို့”

တက်မကိုင်သူ ဦးလေးမောင်ကို လှမ်းပြောသည့် ကိုရွှေအေးစကားကြောင့် မခင်မြင့်ကိုယ်တိုင် အံ့သြသွားရသည်။ ဦးလေးမောင်ကိုယ်တိုင်လည်း အံ့အားသင့်သွားဟန်တူသည်။ မခင်မြင့် မနေသာ၍ ဝင်မေးလိုက်သည်။

“ မနားတော့ဘူးလား အကို.. ပြန်တက်တော့မလို့လား”

“မနားတော့ဘူး မြင့်ရယ်။ အကိုတို့ အခုပဲ ပြန်ကြပါစို့။ ဦးလေးမောင် စက်နှိုးဗျာ”

မခင်မြင့် နားမလည်နိင်သော်လည်း ကိုရွှေအေး စကားအတိုင်း ပြန်ကြဖို့ ဆုံးဖြတ်လိုက်တော့သည်။ ကိုရွှေအေးနှင့် မခင်မြင့်တို့က ဧရာဝတီမြစ်ကြောင်းတစ်လျှောက် စက်လှေတစ်စီးဖြင့် အစုန်အဆန် သွားလာကာ ဒေးဒရဲ၊ ကျိုက်လတ်၊ ဖျာပုံ နယ်များရှိ တန်တစ်ရာဆန်စက်များမှ ဆန်များကို ရန်ကုန်သို့ ပို့ပေးသည့် အလုပ်လုပ်ကြသူများဖြစ်သည်။ ယခင်အခေါက်များက ဆန်အိတ်များချပြီးတိုင်း တစ်ရက်တန်သည် နှစ်ရက်တန်သည် မော်တော်ဆိပ်တွင်ကပ်၍ မြို့ပေါ်တက်ကာ လိုအပ်သည့်ပစ္စည်းများကို ဝယ်ခြမ်းခြင်း ၊ ဘုရားဖူးခြင်းများ ပြုလုပ်လေ့ရှိသည်။ ထို့ကြောင့် ယခုအခေါက်တွင် ချက်ချင်း အထက်ဘက် ပြန်တက်မည်ဆိုတာကြောင့် အံ့သြမိလေသည်။

ခင်ပွန်းဖြစ်သူ မျက်နှာမကောင်းသည့်အပြင် ယခုလိုအခြေအနေကြောင့် ထူးခြားမှု တစ်ခုခုတော့ ရှိနေမှန်း မခင်မြင့် နားလည်လိုက်၏။ အထက်ဘက်သို့ ပြန်တက်လာသည့် လမ်းတစ်လျှောက် ကိုရွှေအေး၏ အပြုအမူက ဆန်းကြယ်နေသည်။ မော်တော်ဦးတွင် ထိုင်ပြီး မြစ်ကမ်းဘေးဝဲယာကို ကြည့်လိုက် မြစ်ပြင်ကျယ်ကို ငေးလိုက် ဖြစ်နေပုံကို မခင်မြင့် ထမင်း ဟင်းချက်ရင်း ၊ မော်တော်ဝမ်းထဲမှ ရေကဲ့ထုတ်ရင်း တွေ့နေရသည်။ ကိုရွှေအေးက မခင်မြင့်နှင့်မရခင်ကတည်းက ဧရာဝတီမြစ်ကို အမှီပြုပြီး လှေထိုးသားဘဝ ၊ အိုးသည်ဘဝ များဖြင့် ရုန်းကန်လှုပ်ရှားခဲ့သူဖြစ်သည်။ မခင်မြင့်က ဧရာဝတီမြစ်ကမ်းနံဘေးရွာသူဖြစ်သည်။ ကိုရွှေအေး၏ အိုးများကို ဝယ်ယူရင်းမှ ဖူးစာဆုံ၍ ညားခဲ့ကြခြင်းဖြစ်သည်။ အိမ်ထောင်သည်ဘဝ အစပိုင်းက ခက်ခဲကြမ်းတမ်းခဲ့သည်။ ဧရာဝတီမြစ်သည်သာ သူတို့၏အိမ်ယာဖြစ်သလို ၊ သူတို့အတွက် လုပ်ကိုင်စားသောက်စရာ ထမင်းရှင်လည်းဖြစ်သည်။ အိုးလှေလေးထဲတွင် လင်ကိုယ်မယားနှစ်ယောက် နေထိုင်ကာ ကမ်းနံဘေး ရွာစဉ်တစ်လျှောက် အစုန်အဆန်သွားလာ လုပ်ကိုင်ခဲ့ရင်းမှ တဖြေးဖြေးနှင့် စီးပွားရေးတိုးတက်လာပြီး ယခုလို စက်လှေဖြင့် လုပ်ကိုင်နိင်သည့် အဆင့်ထိ ရောက်ရှိလာခဲ့ခြင်းဖြစ်၏။ ငွေကြေးအတန်ငယ် စုဆောင်းမိသော်လည်း ကိုရွှေအေးက အခြေတကျ အိမ်ယာဝယ်ကာ နေထိုင်လိုစိတ်မရှိဘဲ စက်လှေပေါ်တွင်သာ နေထိုင်သူဖြစ်သည်။

“ မင်းအိမ်နဲ့ မနေတတ်ပါဘူးကွာ။ ဒီမြစ်ကြီးပေါ်မှာ နေရတာပဲ ငါစိတ်ချမ်းသာတယ်။ ကလေးဘဝထဲက ဒီမြစ်ပေါ်မှာပဲ နေလာတာ ။ သေတဲ့အထိ ဒီမြစ်ကြီးထဲမှာပဲ နေမယ်ကွာ။ သေရင်လည်း ဒီမြစ်နံဘေးမှာပဲမြုပ်။”

ဟုဆိုလေ့ရှိသည်။ ကြာလာတော့ မခင်မြင့်ကိုယ်တိုင် အိမ်ယာနှင့်နေဖို့ပင် မတွေးမိတော့။ သျှောင်နောက်ဆံထုံးပါ ဆိုသလို လင့်အလိုအတိုင်း မခင်မြင့်လည်းနေထိုင်ရင်း ယခုတော့ သူကိုယ်တိုင်လည်း မြစ်သူတပိုင်းဖြစ်နေခဲ့ပြီ။ ကိုရွှေအေးပြောဖူးသလို သေလျှင်လည်း ဒီမြစ်ပေါ်မှာသာ သေမည်ထင်သည်။

တစ်နေ့လုံး ကိုရွှေအေးက စကားမပြော။ ငေးငေးငိုင်ငိုင် သက်ပြင်းတချချဖြင့် စိတ်ညစ်နေဟန်ပေါ်သည်။ ကိုရွှေအေးကို ကြည့်ရင်း မခင်မြင့်လည်း စိတ်မကောင်းဖြစ်မိသည်။ သူ့ယောကျာ်းတွင် စိတ်ဆင်းရဲစရာ ကိစ္စရှိနေမှာ သေချာသည်။ သူ့ကို ဖွင့်မပြောဘဲ ကြိတ်ပြီးခံစားနေသည်ကို မကြည့်ရက်တော့ပါ။ ညစာ စားပြီးချိန်တွင် ကိုရွှေအေး ထိုင်နေသည့် မော်တော်ဦးကိုသွားပြီး ကိုရွှေအေးနံဘေးတွင် ငြိမ်ငြိမ်သက်သက် ဝင်ထိုင်သည်။ ကိုရွှေအေးက တစ်ချက်လှည့်ကြည့်ပြီးနောက် ဘာမျှ မပြောဘဲ ပြန်လှည့်သွားသည်။ မခင်မြင့် ကိုရွှေအေးလက်မောင်းကို ဖွဖွဆုပ်ကိုင်ပြီး မေးမိသည်။

“အကို ဘာဖြစ်နေတာလဲဟင်။ မျက်နာလည်းမကောင်းဘူး။ စပါးဈေးတွေကျနေလို့လားဟင်”

လောကဓံ၏အထုအထောင်းကို ခံခဲ့ရသည့် ကိုရွှေအေးအတွက် စပါးဈေးကျရုံနှင့် ယခုလောက် ဝမ်းနည်းမည် မဟုတ်မှန်းသိသော်လည်း ဘာဖြစ်မှန်း သေချာမသိရ၍ အခုလိုမေးလိုက်ခြင်းဖြစ်သည်။ ကိုရွှေအေးက ခေတ္တတိတ်ဆိတ်နေပြီးမှ မခင်မြင့်၏ လက်ဖဝါးကိုဆုပ်ကိုင်ပြီး တချက်ဖျစ်ညစ်လိုက်သည်။ စိတ်ညစ်စရာ တစ်ခုခု ရှိနေ၍ အားပေးဟန်တူသည်။

“မပြောချင်ပေမယ့် ပြောပြရမှာပဲမြင့်ရယ်။ မြင့်ကိုယ်တိုင်နဲ့လည်းသက်ဆိုင်နေတာပဲလေ”

ကိုရွှေအေးစကားကြောင့် မခင်မြင့် ရင်တုန်သွားမိသည်။

“ ဘာများဖြစ်လို့လည်း အကိုရယ် မထိတ်သာ မလန့်သာရှိလိုက်တာ”

“ဟုတ်တယ်မြင့်ရယ်။ မထိတ်သာ မလန့်သာထက်တောင် ပိုဆိုးနေပါပြီ။ အကို မနက်က ဆန်တက်ပို့ရင်းနဲ့ သတင်းကြားခဲ့ရတယ်။ အကိုတို့ ဒီဧရာဝတီမြစ်ကြီးကို ပိတ်ဆို့ပြီး ဆည်ဆောက်နေပြီတဲ့ကွယ်။”

“ဘုရား...ဘုရား အဲ..အဲဒီတော့ ဒီမြစ်ကြီးက ဘာတွေဖြစ်သွားမှာလဲဟင်”

“ သူတို့ပြောသလောက် အကိုကြားခဲ့ရတာတော့ အဲဒီလို ဆည်ဆောက်လိုက်ရင် ရေတွေက အရင်လို လွတ်လွတ်လပ်လပ် မစီးဆင်းရတော့ဘူးတဲ့လေ။ ဆည်ကနေ လွှတ်ပေးသလောက်ပဲ စီးရမှာ။ ဆည်ထဲမှာ ရေနဲရင်နဲသလို များရင်များသလို စီးရမှာလေ။ နောက်ပြီး အကိုတို့ရဲ့ ဒီမြစ်ကြောင်းတစ်လျှောက် ပါတ်ဝန်းကျင်တွေလည်း ထိခိုက်မယ်တဲ့။ ဒီမြစ်ကြီးကို အမှီပြုနေထိုင်ကြတဲ့ ရေနေသတ္တဝါတွေ ငှက်မျိုးစိတ်တွေအထိဆိုးကျိုး ဖြစ်စေမယ်တဲ့။ နောက်ပြီး ဒီမြစ်ရဲ့ ရေကို အသုံးပြုကြရတဲ့ တောင်သူတွေ စိုက်ပျိုးရေးသမားတွေ မြစ်ကမ်းနံဘေးရွာတွေအတွက်လည်း ဆိုးကျိုးပဲ ဖြစ်စေမယ်လို့ ပြောတာ ကြားခဲ့ရတယ် မြင့်ရယ်။”

“ အို.. အဲဒီလောက် ဆိုးကျိုးတွေ အများခံပြီး ဘာလုပ်ဖို့များ ဒီဆည်ကို ဆောက်ရတာလဲ”

“လျှပ်စစ်ထုတ်ဖို့တဲ့လေ။ ရင်နာဖို့အကောင်းဆုံးက အဲဒီလျှပ်စစ်ကို အကိုတို့နိင်ငံသုံးဖို့အတွက်မဟုတ်ဘူးတဲ့။ တခြားနိင်ငံကိုရောင်းဖို့တဲ့လေ။ တောက် !!! ”

ကိုရွှေအေးတစ်ယောက် ပြောရင်းနှင့် ဒေါသထွက်လာကာ မော်တော်ဦးကို လက်သီးဖြင့်ထုချလိုက်၏။ မခင်မြင့်ကိုယ်တိုင်လည်း ဘဝတွင်တစ်ခါမျှ မဖြစ်ပေါ်ဖူးသည့် ဒေါသများဖြင့် အံတင်းတင်း ကြိတ်ထားမိသည်။

“ ဒါ ငါတို့ရဲ့ မြစ်။ ငါတို့တမျိုးသားလုံးရဲ့ မြစ်ကွ။ ငါတို့ ဘိုး ဘေး ဘီ ဘင်တွေ လက်ထက်ကတည်းက ပိုင်ဆိုင်ခဲ့ကြတဲ့ မြစ်။ ခုလို လုပ်ချင်တိုင်း လုပ်စရာမှ မဟုတ်တာ။ အသဲနာလိုက်တာကွာ။ တောက် ”

တောက်တခေါက်ခေါက်ဖြင့် ဒေါသများဆူဝေနေသော ကိုရွှေအေးကို မခင်မြင့် ဖျောင်းဖျပေးချင်စိတ် မရှိတော့။ ဒီသတင်းက ဧရာဝတီမြစ်ကြီးကို ချစ်မြတ်နိုးသည့် လူတိုင်း ဒီ့ထက်မလျှော့သည့် ဒေါသများ ခံပြင်းနာကျည်းမှုများ ဖြစ်ကြမည်မှန်း သဘောပေါက်မိသည်။ နှစ်ဦးသား စကားဆက်မပြောဖြစ်ဘဲ မြစ်ပြင်ကျယ်ကိုသာ ငေးနေမိကြတော့သည်။ ဘာမျှမသိသည့် မြစ်ရေပြင်ကြီးကတော့ လရောင်အောက်တွင် လှိုင်းကြက်ခွပ်လေးများ တလက်လက်ထကာ လှပနေသည်။ မြစ်ပြင်မှ တိုက်ခတ်လာသည် လေများကလည်း အေးမြလတ်ဆတ်ကာ ဒေါသနှင့် နာကျည်းမှုများကို တတ်နိင်သမျှဖြေဖျောက်ပေးနေပုံရ၏

ထိုညက မခင်မြင့် တော်တော်နှင့် အိပ်မပျော်ခဲ့ပါ။ တလူးလူးတလိမ့်လိမ့်ဖြင့် စိတ်ညစ်ညူးဖွယ် အတွေးများသာ ဝင်နေမိသည်။ ဒီမြစ်ကြီးပေါ်တွင် လုပ်ကိုင်စားသောက်နေသည့် သူတို့အတွက် ရှေ့လျှောက်ထို့ထက်ပို၍ စိတ်ညစ်ရတော့မည်။ ဝမ်းနည်းနာကျင်ဖွယ် အိပ်ပျက်ညများသည် ဧရာဝတီချစ်သူတိုင်းကို စောင့်ကြိုနေတော့မည်။ မိုးလင်းခါနီးမှ မခင်မြင့် မှေးခနဲ အိပ်ပျော်သွား၏။ အိပ်ပျော်ချိန်မှာတောင် လွတ်မြောက်နိင်ခြင်းမရှိခဲ့။ အိမ်မက်ဆိုးတို့က စောင့်ကြိုနေပြန်သည်။

...............................

ကွင်းပြင်တစ်ခုလုံး လူတွေ ပြည့်နှက်နေ၏။ နေရောင်ခြည်က မလင်း မချင်း ။ မှိုင်းမှိုင်းညို့ညို့။ အားလုံး၏ အကြည့်က တနေရာထဲသို့ စု နေသည်။ မြင်ကွင်းက လှိုက်မောဖွယ်ရာပင်တည်း။ ကြိုးအထပ်ထပ် အတုပ်ခံထားရသော အမယ်အို တစ်ယောက်ကို လမ်းတလျှောက် အတင်းဆွဲခေါ်ကာ တောင်ကုန်းထက်သို့ ခေါ်ငင်နေသည်။ ထိုတောင်ကုန်းအမည်က မရဏတောင်ကုန်းဖြစ်သည်။ ကွပ်မျက်ခံရသူများအတွက် ဘဝအဆုံးသတ်ရာ တောင်ကုန်းဖြစ်သည်။ မရဏတောင်ကုန်းသို့ သွားရာလမ်းတစ်လျှောက် ဘေးနှစ်ဘက်တွင် လူအုပ်ကြီးက ပြည့်ကျပ်နေ၏။ ကြိုးတုပ်ပြီး ဆွဲခေါ်ခံနေရသော အမယ်အိုကို ကြည့်နေကြသည့် လူအားလုံးရင်ထဲတွင် ဝမ်းနည်းခြင်းနှင့် ယူကျုံးမရဖြစ်ခြင်းများ တူညီစွာဖြစ်ပေါ်နေသည်။
ခံပြင်း ဒေါသဖြင့် အော်ဟစ်နေသံများကလည်း ဘဝဂ်ညံနေ၏။

“မတရား မလုပ်ကြနဲ့”
“အခု ပြန်လွှတ်ပေး”
“ အမေ့ကို မသတ်ပါနဲ့။ မသတ်ပါနဲ့ တောင်းပန်ပါတယ်”
“အမေ.... အမေ...”
“ကယ်ပေးကြပါ”
“ကြည့်မနေကြနဲ့ အမေ့ကို ဝိုင်းလုကြလေ.. ဘာလုပ်နေကြတာလဲ”

လူအုပ်ကြီး၏ တစ်ယောက်တစ်ပေါက်အော်သံထဲတွင် ကျွန်မ၏ အော်သံလည်း ပါဝင်နေခဲ့သည်။ အမယ်အိုကို ဆွဲခေါ်လာသည့် သူများ မရဏတောင်ကုန်းသို့ ရောက်ရန် တဖြေးဖြေးနီးလာသည်နှင့်အမျှ အော်သံများလည်း ပို၍ဆူညံလာသည်။ အမေအိုက ကျွန်မရှိရာဘက်ကို လှည့်ကြည့်သည်။ ညှိးနွမ်းနေသော်လည်း ရင့်ကျက်တည်ငြိမ်မှုအပြည့်နှင့် မဟာဆန်လှသော အမေအို၏မျက်နာကို မြင်လိုက်ရချိန် ကျွန်မရင်ထဲတွင် ဝမ်းနည်းခြင်းများ လှိုက်ဆူလာသည်။ ကျွန်မစိတ်မထိန်းနိင်တော့ပါ။ အာခေါင်ခြစ်ကာ စူးစူးဝါးဝါး အော်ဟစ်လိုက်မိတော့သည်။

.........................................

“ မသတ်ပါနဲ့ မသတ်ပါနဲ့”

“ မြင့်... မြင့် ဘာဖြစ်တာလဲ”

ကိုရွှေအေး လှုပ်နှိုးတာကြောင့် မခင်မြင့်လန့်နိုးလာ၏။ အိမ်မက်ဆိုး မက်နေကြောင်း သတိပြုမိသွားသည်။ ရေတခွက်သောက်ပြီးချိန်အထိ ဝမ်းနည်းခြင်းက မပျောက်နိင်သေး။ ရင်ထဲတွင် တုန်ရင်နေမိ၏။ အိပ်ရေးမဝသဖြင့် မျက်လုံးများက ကျိန်းစပ်နေသည်။ အာရုဏ်ပင် လင်းကျင်းလုပြီ။ ကျွန်မစိတ်ထဲတွင် တိုးတိုးလေး ဆုတောင်းလိုက်၏။

“ ဒါဟာအိမ်မက်ဆိုးသာ ဖြစ်ပါရစေဘုရား။ ဒီအိမ်မက်ဆိုးတွေ ဘယ်တော့မှ အသက်မဝင်လာပါစေနဲ့တော့”


ချစ်ခင်လေးစားစွာဖြင့်
မြတ်မွန်


...........................................



ဧရာဝတီမြစ်ဆုံရေကာတာ စီမံကိန်းကို အကြွင်းမဲ့ ကန့်ကွက်ပါသည်။

34 comments:

သဒ္ဓါလှိုင်း said...

ညီမမွန်..
ထပ်တူပါပဲ..။ ဧရာဝတီမြစ်ဆုံဆည် စီမံကိန်းကို လုံးဝ ကန့်ကွက်ပါတယ်။ ညီညွတ်စွာနဲ့ လက်တွဲပါဝင်တဲ့အတွက် ဝမ်းသာမိတယ်..။
ချစ်တဲ့
သဒ္ဓါ

PhyoPhyo said...

မွန် ရေ

မြစ်ဆုံဆည် စီမံကိန်းကို ကန့်ကွက်ပါတယ်။
ဧရာဝတီ အမြဲ ရှင်သန်ပါစေ။

ညီရဲ said...

အိပ်မက်ဆိုးတွေ ဖြစ်ပါစေလို့ ပဲ ဆုတောင်းရတော့မှာပေါ့ သူငယ်ချင်းရေ...
မွန်ရေ ပျောက်ချက်သားကောင်းနေတယ်နော်...

blackroze said...

မွန်ရေ
ရေးထားတာလေးကောင်းတယ်..
မွန်နဲ့ထပ်တူထပ်မျှပါဘဲ

“ဧရာဝတီ မြစ်ဆုံဆည် စီမံကိန်းကို လုံးဝကန့်ကွက်ပါသည်။”

ချယ်ရီမြေ said...

မြစ်ဆုံရေကာတာစီမံကိန်းအား အပြတ်အသတ် ကန့်ကွက်ရန် သဘောတူပါတယ်...
ဧရာဝတီ ထာဝစဉ်စီးဆင်းနိုင်ပါစေ

ချမ်းမြေ့ပါစေ
ချယ်ရီမြေ

ဝေလင်း ( Вэй Линн) said...

ဧရာသတီကို အမေအိုနဲ့ နိမိတ်ပုံယူထားတာ သိပ်ထိမိတာပဲ အစ်မရာ.... ရင်ထဲတောင်ဆို့တယ်။

အဖြူရောင်နတ်သမီး said...

ဧရာဝတီ မြစ်ဆုံဆည် စီမံကိန်းကို အကြွင်းမဲ့ ကန့်ကွက်ပါသည်။

san htun said...

ဧရာဝတီမြစ်ဆုံစီမံကိန်းကို ကန့် ကွက်ပါသည်။ ဧရာဝတီ အဓွန့် ရှည် တည်တံ့ပါစေ။

အင်ကြင်းသန့် said...

ီမွန်ရေ....တို့တွေ အားလုံး ညီညီညွှတ်ညွှတ်နဲ့ အမေ့ကို ၀ိုင်းလုကြမယ်ဆိုရင် အိမ်မက်ဆိုးတွေ ဘယ်တော့မှ အသက်ဝင်လာနိုင်မှာ မဟုတ်ဘူးဆိုတာ ယုံကြည်တယ်....



ချစ်တဲ့
ဂျင်း

mstint said...

အိပ်မက်ဆိုးသာဖြစ်ပါစေ။
နိုင်ငံသားများအားလုံး ချစ်ခင်မြတ်နိုး တွယ်တာတဲ့ 'မြစ်ဧရာ' ထာဝရအေးချမ်းစွာဖြင့်စီး ဆင်းနိုင်ပါစေ။

မေတ္တာဖြင့်
အန်တီတင့်

လင်းခေတ်ဒီနို said...

မွန်ရေ

ငါတို့ ဆန္ဒတွေ အကောင်အထည် ပေါ်နိုင်ပါစေလို့ ဆုတောင်းနေမိတာပဲဟာ ။ ။

မေသိမ့်သိမ့် ကျော် said...

ဧရာဝတီကို လွတ်လပ်စွာစီးဆင်းခွင့်ပေးပါ။ မှီခိုသူတို့ အန္တရာယ်ကင်းကင်းမှီခိုခွင့်ပေးကြပါ။

စာအရေးအသားကောင်းလှတဲ့ အစ်မမြတ်မွန်ရဲ့ စာလေးတွေ ကို ဖတ်ရင်း ဖတ်ရင်း တိုးလို့ နှစ်ခြိုက်မိပါတယ် အစ်မရေ။

သတိုး said...

“ဧရာဝတီ မြစ်ဆုံဆည် စီမံကိန်းကို လုံးဝကန့်ကွက်ပါသည်။”
အိမ်မက်ဆိုးမှ အလျှင်အမြန် နိုးထခွင့် ရနိုင်ပါစေ။ မိခင် ... ထာဝရ ရှင်သန်နိုင်ပါစေ။
ကိုသတိုး

kiki said...

အိမ်မက်ဆိုးထဲမှာတောင် ဒီလောက် ကြောက်စရာ ရင်နာစရာကောင်းနေတာ နော်..
တကယ့်လက်တွေ့ မှာ အကောင် အထည်ပေါ်လာခဲ့ရင်တော့ မတွေးဝံ့စရာပါပဲ မြတ်မွန်ရေ..

တို့တတွေ စည်းလုံးညီညွတ်ပြီး ကန့် ကွက်နေကြပေမဲ့ လူ့ အန္ဓ တွေကတော့မိုက်တွင်းနက်နေကြဆဲပါပဲ ။
ဒါပေမဲ့ နောက်ဆုံး မျှော်လင့်ချက်ရေးရေးလေးရှိနေတဲ့အထိ .. ပြည်ဖျက်မဲ့ မြစ်ဆုံစီမံကိန်းကြီးကို ကန့်ကွက် ပါတယ် ။

seesein said...

မြစ်ဆုံဆည် စီမံကိန်းကို ထာဝစဉ် ကန့်ကွက်ပါတယ်
ဧရာဝတီ ထာဝရ စီးဆင်းပါစေ
ဧရာဝတီ ရှင်သန်ပါစေ

ခင်မင်တဲ့
seesien

မြတ်မွန် said...

အားလုံးနဲ့ထပ်တူထပ်မျှပါပဲရှင်။ ဧရာဝတီထာဝရတည်ရှိနေပါစေ။

SHWE ZIN U said...

“ ဒါ ငါတို့ရဲ့ မြစ်။ ငါတို့တမျိုးသားလုံးရဲ့ မြစ်ကွ။ ငါတို့ ဘိုး ဘေး ဘီ ဘင်တွေ လက်ထက်ကတည်းက ပိုင်ဆိုင်ခဲ့ကြတဲ့ မြစ်။ ခုလို လုပ်ချင်တိုင်း လုပ်စရာမှ မဟုတ်တာ။ အသဲနာလိုက်တာကွာ။ တောက် ”

အင်း ဟုတ်ပ အသဲနာလိုက်တာ ကန့်ကွက်တယ် လုံးဝ လုံးဝ ကန့်ကွက်ပါတယ်

ကျေးဇူးညီမ ရေ
ရွှေစင်ဦး

sosegado said...

မခင်မြင့်လို အိမ်မက်မက်နေတဲ့သူတွေ ဘယ်လောက်များ နေမလဲမသိပါဘူး

မအိမ်သူ said...

အိပ်မက်ဆိုးတွေ ထာဝရချုပ်ငြိမ်းသွားဖို့ အားလုံးညီညီညာညာလက်တွဲကြဖို့အချိန်ရောက်နေပါပြီ။
အမေထာဝရရှင်သန်ပါစေ။

HM said...

တိုင်းချစ်ပြည်ချစ်တွေကိုလေးစားပြီး၊
တိုင်းပြေကိုလက်ညိုးထိုးရောင်းစားသူများအားရွံရှာစွာရှူံ့ချပါတယ်
ငါတို့မြစ်ကိုလာမခိုးနဲ့

မိုးငွေ့...... said...

မြစ်ဆုံစီမံကိန်းကို အကြွင်းမဲ့ကန့်ကွက်ပါသည်...။

ဧရာဝတီကိုချစ်တဲ့
မိုးငွေ့

rose of sharon said...

ဧရာဝတီမြစ်ဆုံဆည်စီမံကိန်းကို အကြွင်းမဲ့ကန့်ကွက်ပါသည်

မောင်ဘကြိုင်(ချဉ်ပေါင်ခြံ) said...

မောင်ဘကြိုင်လည်းလုံးဝကန့်ကွက်တယ်ဗျ
ဧရာဝတီမြစ်ကြီးကိုဒီတိုင်းထားပေးကြပါ

မြစ်ကျိုးအင်း said...

တနိင်ငံလုံးအတွက် အိမ်မက်ဆိုးတွေ မမက်ရဖို့ ဧရာဝတီကို ကာကွယ်ကြစို့။

ဧရာဝတီ မြစ်ဆုံဆည် စီမံကိန်းကို လုံးဝ ကန့်ကွက်ပါတယ်။

စိတ်၏ဖြေရာ said...

ဧရာဝတီမြစ်ကြီးဆက်လက်ရှင်သန်စီးဆင်းစေဖို့
မြစ်ဆုံဆည်တည်ဆောက်ရေးကိုဆက်လက်
ကန့်ကွက်ကြပါစို့။
ခင်မင်စွာဖြင့်
စိတ်၏ဖြေရာ

ပန်းချီ said...

ညီမလေး မွန်ရေ...

ဧရာဝတီ ထာဝရငြိမ်းချမ်းစွာ ရှင်သန်စီးဆင်းနေပါစေလို့ ဆုတောင်းနေပါတယ်။

ချစ်တဲ့...
MPC

ပန်းချီ said...

ညီမလေး မွန်ရေ...

ဧရာဝတီ ထာဝရငြိမ်းချမ်းစွာ ရှင်သန်စီးဆင်းနေပါစေလို့ ဆုတောင်းနေပါတယ်။

ချစ်တဲ့...
MPC

မြသွေးနီ said...

တစ်နိုင်ငံလုံး တကယ်ကို အိပ်မက်ဆိုးတွေ မက်နေရတယ်။ ဒီအိပ်မက်ဆိုးတွေ အသက်ဝင်လာမှာ ကြောက်လို့ အခုလို ကန့်ကွက်နေရကြရတယ်။
ဧရာဝတီကို လွတ်လပ်ခွင့်ပေးပါ...။
ဒီမြေမှာနေ ဒီရေကိုသောက်ပြီး
ဧရာဝတီကို ကျေးစွပ်နေကြတာ ရင်နာတယ်..။
ဧရာဝတီ မြစ်ဆုံဆည် စီမံကိန်းကို အကြွင်းမဲ့ ကန့်ကွက်ခြင်းကို ထပ်ဆင့် ထောက်ခံပါတယ်..။

ahphyulay said...

အင်း...
ယန်စီမြစ်ထဲမှာ ရေမရှိတော့ တာ သူတို့ 
အဲ့ လိုပဲ ယန်စီမြစ်ကို ပိတ်ပြီး ဆည်တွေ
ဆောက်ပစ်ခဲ့ လို့ တဲ့ ။ ဧရာဝတီက ယန်စီ
မြစ်ထက် ပိုရှည်ပါတယ်။ အခုဆောက်မဲ့ 
မြစ်ဆုံနေရာကလည်း ငလျင်ကြောအများ
ဆုံးရှိတဲ့ နေရာ..၊ အကျိုးအမြန်က တရုပ်က
၈၀၊ ကြံ့ ဖွံ့ က ၁၀၊ ကြားပွဲစားက ၁၀ တဲ့ 
ဘိုးဘွားအမွေကို ရောင်းစားနေကြတာ..။
ကျွန်တော်ထင်တယ်၊ ဒါကလည်း
၈၈ အရေးတော်ပုံလိုပါပဲလို့ ..။
ရှုံးမှာပါပဲဗျာ....။
အားမတန်လို့ လေ..။

nai said...

ကိုယ်ချင်းစာစိတ်လေးတော့ ရှိသင့်ပါတယ်ဗျာ....

ငြိမ်းစိုးဦး said...

ဧရာဝတီကို လွတ်လပ်စွာစီးဆင်းခွင့်ပေးပါ။ ...

Myat Pan Nwe (မြတ်ပန်းနွယ်) said...

အကြောင်းအရာရယ်၊ အရေးအသားရယ်နောက် မျောသွားခဲ့တယ်။

ဧရာဝတီ အဓွန့်ရှည် တည်တံ့ပါစေ။

ကိုလင်္ကာ said...

ကူးယူးပါရစေ

pay kat kat kaungmalay said...

“ ဒါဟာအိမ်မက်ဆိုးသာ ဖြစ်ပါရစေဘုရား။ ဒီအိမ်မက်ဆိုးတွေ ဘယ်တော့မှ အသက်မဝင်လာပါစေနဲ့တော့”